"Susi" - Susanne Geberl - 42, Kellnerin und Barfrau im Cafe "kleines Schlössl" im 11.Bezirk schreibt an Ihren Lebensgefährten "Charli" Karl Bergmann einen Brief in die Justizanstalt Simmering, wo "Charli" eine 14 monatige Haftstrafe wegen schwerer Körperverletzung absitzt. Er hatte Susi wieder einmal krankenhausreif geschlagen.
Servs Charli
Des host wida amol notwendig ghobt. Oda? Wos host glaubt? Da Herr Richta hots desmol nimma akzeptiert das ich die net auzeigt hob, weu de Anzeig is vom Spitol gmocht wurdn. 4 Tog wor i im Koma und daun no 10 auf da Intensiv. Aso a scheisse wos du do alaweu auffirst in dein Suff. Dabei hob i do nix gmocht. Nur de Floschn Schnops. Im Lokal muass i nett sein zu de Gäste. Verstehst des no imma net. Du depp, Du Trottel du. Dabei wast doch das du der anzige für mi bist. Und des Trinkgeld brauch ma doch. Oda? Und waun da Mr. X wida zvü hot daun zohlt a halt des doppelte wia imma. Und Du zuckst aus du trottl. Oba jetzt muass i di heut wida besuchn kumma. Brauchst wos. I hob da e 50 Euro gschickt. Mehr hob i net weil i wor jo im Spitol. Abo es netxe mol waunst wida herhaust daun is es aus. I sog da des, des letzte mal. Her endlich auf mit der Sauferei. Oba in de nextn 14 Monat host eh nix zum Saufn, weu söba ausetzn wia in Sta des spütst heit nimma. Oiso daun, wanns geht kumm i de netxn Mitwoch besuchn. Deine dich liebende
Susi